Kum u Kyrtong shimet thep kyrteng u Bah Bindo

0

Shillong, Rymphang 06 : U Chief Adviser ka UDP ba dei ruh u Symbud Myntri Rangbah barim ka Jylla, Bah Bindo M Lanong ha ka sngi Nyngkong u la leit ban thep kyrteng kum u kyrtong shimet na Nongkrem constituency na bynta kane ka elekshon kaban sa long shen.
Katei ka jingleit thep kyrteng jong u Bah Bindo kum u kyrtong shimet kadei hadien ba ïa ka tiket jong ka UDP, la ïoh noh da u Bah Lambor Malngiang, MLA ba dang shu dep resaiñ shen na katei ka constituency.
Haba kren bad ki lad pathai khubor hadien ba la dep ban thep kyrteng, utei u rangbah u la ong, “Kumba nga ong naduh mynshwa, kin ym jop palat ïa ka 10 ngut, kata katkum ka jingantad jongnga. Kumta, ka jingkylli ban poi sha ka thong ba ka UDP kan ïalam ïa ka sorkar, nga tharai kadei tang ka jingmutdur,” u la ong.
Da kaba kam ba u dei u UDP Original, u Bah Bindo u la ong ba u la hap pat ban aireng kum u kyrtong shimet kadei na ka daw ba u la shah knieh noh ïa ka hok jong u hadien ba ki heh spah ki la shim bynta lang ha ka saiñpyrthei.
Shuh shuh u la ong ruh ba mynta um dei shuh u dkhot ka UDP, ym ba u mih hi hynrei u la shah weng.

Leave A Reply

Your email address will not be published.