Kular u Licencing Officer ka JHADC ban shimkhia ïa ka rukom ai NOC sha ki bar jylla

Jowai, Ïaïong 16: Ka Hynñiewtrep Integrated Territorial Organization (HITO) Jaiñtia Hills mynta ka sngi 16 tarik u Ïaïong, 2026 hapoh ka jinglamkhmat u President jong ka u Burom Dkhar lem bad ki dkhot, kila leit ban aiti da ka dorkhas ha u Licencing Officer ka JHADC ha kaba ïadei bad ka rukom ai NOC sha ki nongtrywa die tiar hapoh ka District kiba dei ki bar jylla.
Ka seiñ hadien bala ïakren sani bha bad utei u Licencing Officer la ïoh ban pynsngew ïa kane ka mat jingdawa na ka daw ba bun ki trai jylla (pnar) kiba shong die ha ki ïew ki hat ki la shah ktah haka liang ka kamai kajih na ka jingïoh NOC pathar jong ki bar jylla ban leit tyrwa die ïa ki tiar ki tar jong ki.
Shuh shuh ka seng kala pynsngew na ka por sha ka por kila lap ïa kiba bun ki bar jylla kiba leit tyrwa tiar khlem don ki kot ki sla kiba biang
Ha ka jingïakren bad utei u ophisar ula kular ïa ka seng ban peit bniah bad ban pynjanai ïa kane ka kam, khnang ba ki trai jylla kin nym shah ktah haka kamai kajih.