Khliehriat, Rymphang 16: U kyrtong jong ka BJP, na ka 6- Khliehriat Constituency, u bah Bhayes Chyrmang, ha ka jingïalang ïalap elction ba la pynlong mynta ka sngi ha shnong Mutong, u pan ka jingkyrshan na ki paidbah ba kin sngewbha ban kyrshan ïa u ha kane ka election MLA bad u kular sha ki paidbah shibun kiei kiei ki ban wanrah jingmyntoi ïa ki ha shnong ha thaw bad u la kular ruh ba un wanrah da ka surok kaba heh, ka Two Lane Standard hapoh shnong Mutong lada u jop ha kane ka elction.
U la ong ruh ba u don ka jingangnud ban shakri ïa ki paidbah ban kyntiew ïa ki, ban wanrah ruh ïa ka roi ka kiew ha ki shnong ki thaw, ban buh ruh ïa kawei ka PHC ha shnong Mutong kaba long ka jingmyntoi ïa ki paidbah jong katei ka thaiñ san shnong, ban buh ruh da ki doctor, ki nurse kiba biang, lada u jop ha kane ka elction, ym tang katta, u kular ruh ba un wanrah ïa ki skul kiba bha ha shnong Mutong, kaba long ka jingkyrkhu ïa ki paidbah nongshnong shnong jong ka Mutong bad ki shnong kiba marjan, ha kaba na ka liang ka sorkar u Modi, kan ïarap ïa kiba duk ha kaba thied ïa ki kot skul bad ki jingdonkam ha skul bad ong ruh ba lada don ki skul kiba bha ha shnong kan ïarap ïa ki kmie ki kpa ba kin lait na ka jinglut ksan.
U la iathuh ruh ba ki don haduh Hynñiewphew wei jait ki skim jong u Modi bad u kular ba lada u jop un pynioh ïa kine ki skim baroh ïa ki paidbah, kumjuh ruh un pynbha bad pynitynnad shuh shuh ïa kine ki jaka ban kyntiew ïa ka kam jngohkai pyrthei bad wat ka jaka ba ju leh niam Behdieng khlam ha shnong Tuber, ka Lympung Aitnar, kan phuh kan phieng da kaba un shna da kaba long kum ka stadium “Nga don ka mynsiem ban trei hok, namar ngi la shah lehbieñ ha ki nongmihkhmat kiba la leit, lada ki ïoh shong shuki kin ithuh tang ïa ki para ba heh”ong u bah Chyrmang.
U la pynpaw ruh ïa ka jingsngew khia, halor ka jingjah ki skim shna ïing ïa kiba duk, kaba u Modi hi u la mang bad ong ba baroh ki nongshong shnong ki dei ban don ka ïing shong iïngsah, ka jing jah u khaw uba don bad ka muhor ba thoh ‘Modi Rice’ kaba u Modi u la mang ba baroh ki dei ban ioh ia ka bam kaba biang, u la kular ba lada u jop un wanrah lut kine ki skim ki ban ïarap ïa ki paidbah.
Haba kren ha ka jingialang, u bah B.Dkhar, u la ong ba mynta baroh ngi bam ïa u khaw ba ai u Modi bad dei ka sorkar BJP kaba lah ban kyrshan bad pynbit pynbiang ïa ki paidbah bad kaba lah ban ïarap ïa ki paidbah ha kiba bun ki liang ban kyntiew ym tang ïa ka bam, ka pule puthei, hynrei ban kyntiew ruh ïa ka koit ka khiah, u la kyntu ïa ki nongshong shnong jong ka shnong Mutong ba kin sngewbha ban kyrshan lem ïa unkyrtong jong ka BJP.
Kiba la ai jingkren ki kynthup ruh u bah Rayan Dkhar bad kiwei kiwei.
