Nongstoiñ, Rymphang 9: Ka HYC Mawshynrut Circle bad ryngkat ka HYC Nongsleh unit hapoh ka jingïalam u samla Losbingnel Lyngkhoi, ka la ioh ban noh synniang lem ïa ka ïing ka kong Trioris Wanniang kum ka Ïing ki nongrep, I ba dei I nongrep synsar I ba la mat ïa ka jingduh nong kaba khraw ha kaba ki synsar jong I, ki la shah bam duh ha ka ding ha ka 8/2/2023 ha ka por 1 pm ei ei, ha ka por ba I dang leit kheit Synsar ha jaka rep, hynrei donbok ba ym don ba mynsaw mano mano.
Na ka liang ka seng ka la noh da ka song pisa bad ka la pynpaw ba wat la ha ka bor kaba rit, hynrei ka ai da ka mynsiem ban sngewrit bad ka jingkitbok kit rwiang ïa ka ïing ka sem bad ba kin kiew shaphrang wat la ki la duh ei da ki lak tyngka. La antad ba baroh ki jingduh nong kin poi sha ka 2 lak tam ryngkat bad ki tiar ïing kum ki jaiñ kup ki khiew bad kiwei.
