Mawkyrwat, Lber, 03: Ka Seng Samla Shnong Mawlangwir (SSSM), South West Khasi Hills District ka ai jingkitbok ïa baroh ki khynnah bad ki samla pule kiba don mynta hapdeng ka jingïaleh ha ki eksam jong ka SSLC bad HSSLC.
Ha kyrwoh khubor, na ka lïang ka Seng Samla Shnong Mawlangwir (SSSM) ka ai ka jingkyrkhu kyrdoh ïa ki samla pule jong ka shnong Mawlangwir bad kumjuh ruh jong kiwei de ki shnong ba kin sa leh bha ha ka jingïakhun jong ki khnang ba kin ïoh kheit ïa u soh jong ka jingjop.
Ka SSSM ka dwai ruh ba kin ïoh ïa ki met kiba koit ba khïah bad ba U Blei Un don ryngkat lyngba ki egsam baroh kawei.
“Ka jingtrei shitom jong phi kan nym long kaba leh noh ei, hynrei ba phin sa ïoh kheit ïa u soh jingjop ynda dei ka por ban pynmih ïa ka result”, pynkut ka kyrwoh na ka Seng Samla Shnong Mawlangwir.
