Shillong Naiwieng 09 : Ka Khasi Students’ Union (KSU) Central Executive Council ka phah ïa ka kyrwoh kitbok kitrwiang sha baroh ki samla ka Bri Hynniewtrep ki ban sa ïa shim bynta haka North East Olympic Games kaban sdang naduh 10 tarik u Naiwieng haduh ka 16 Tarik Naiwieng 2022.
Ka KSU ka kyntu ïa baroh ki samla Khasi kiba shim bynta ha kane ka lympung bah jong ka Thaiñ shatei Lam mihngi ban ïalehkai bha bad ban don ïaka mynsiem ïakhun bad la kyrmen ba ki Samla ïalehkai ka Jaidbynriew kin wanrah ïaka nam ka burom.
Ka jingwanrah nam ym tang ïalade shimet ne ïa ka ïing ka sem hynrei ïa ka Jaidbynriew baroh kawei, kane ka long kat kum ka kyrwoh ba la phah da u samla Pynshaiborlang Rani ,Publicity Secretary KSU Central Executive Council.
