Jowai, Naiwieng 09 : Ka 5th Interdong League bala pynïaid da ka Nongtalang Khlachympa Sports & Cultural Club (Seng Samla Nongtalang Khlachympa) Nongtalang, hynnin ka sngi 8 tarik kala poi noh sha ka ba kut hapdeng ka jingïalehkai phainal ka Nongtalang Mission Youth Club pyrshah ïaka Nongtalang Khlachympa-B.
Ha katei ka jingïaleh kai phainal kalong kaba shongshit haduh kattta katta khlem da don ba lah ban pynkhih jar haduh ba kut ka por hynrei ha kaba khatduh kitei ki teams kila poi noh shaka jingïashut Tiebreakers ha kaba ka Nongtalang Mission Youth Club kala lah ban pynliem ïaka Nongtalang Khlachympa-B da 8-7.
Ïa katei ka 5th Interdong League la wan ban khynliap pyrda da u Ex-MLA ka 7 Amlarem u ma Stephanson Mukhim uba long kum u kongsan haka jingïadonlang u MDC ka War Central u ma Holando Lamin ryngkat bad u Advocate uba long u Genl. Secretary Ka HYC Sengkmie Central Body.
Ha katei ka 5th Interdong League napdeng ki players ba ïoh rah ïaka nam Top Scorer la ïoh da u Ravi Manar, Ki Goals kiba u ïoh ban thep naduh basdang ka League haduh ba kut ka League ki long 4 Goals naka kynhun ba u ïaleh ïaka Chnongklor FC.
Ïaka Best Goal keeper la ïoh ban rah da u Shining Star Myrchiang naka kynhun ba u ïalehkai ïa ka Nongtalang Shnongthymmai United FC bad ïaka Emerging player la ïoh ban rah da u Fleming Lyngdoh naka kynhun ba u ïalehkai ka Nongtalang Shnongthymmai United FC.
Ïa ka nam player of tournament la ïoh rah da u Dedychynnam Pohsnem naka kynhun ba u ïalehkai na ka Nongtalang Khlachympa B, katba ïaka Best Dicipline team la ïoh ban rah da ka kynhun Nongtalang Shnongthymmai United FC.
