Tura, Kyllalyngkot 18: Ki rang bad ki thei lehkai Taekwondo na East Khasi Hills district sa shisien bïang, ka la khur da ki takma ksïar ha baroh ki jinglehkai Taekwondo kaba la pynlong ha Montfort Centre ha Tura.
Ha ka kyrdan junior girls’ Kyorugi hapoh 46 kg, ka Ibapyhnun Kharmyndai na East Khasi Hills ka la pynliem noh ïa ka thei ïalehkai na South West Garo Hills’ Joynilla Ch Sangma katba ka Nokgrikchi G Momin bad ka Jheanchim B Marak ki la ïoh da ki takma rnong.
Ha ka kyrdan junior girls’ kyorugi hapoh 42 kg, ka Dayalanki Challan na West Khsi Hills ka la pynliem noh ïa ka Sritee Kumari na West Jaintïa Hills bad khur ïa ka takma ksïar katba ka Aurïalla Wasabi K Marak bad ka Jaksal Arimchi T Sangma ki la ïoh ïa ka takma rnong.
Ha ka jinglehkai kaba khatduh ha ka kyrdan junior boy’s Kyorugi hapoh 45 kg u Ravi Kumar Rai na East Khasi Hills da kaba pynliem ïa u Areyo M Sangma na East Garo Hills bad ïoh syndon ïa ka takma ksïar katba u Kreangbeth A Sangma na West Garo Hills bad u Samir Chetri ki la ïoh da ka takma rnong.
