Khur jingjop ka PFR Academy, Sacred Heart FA, ïakhaid ka Kick Start bad Mawlai
Wanphai biang ka Under-10 (Boys) Football League 2023
Shillong, Jymmang 07 : Ka lympung ïalehkai phutbol jong ki Under-10 (Boys) Football League 2023 ba pynïaid da ka Shillong Sports Accociation (SSA) ka la wanphai biang ha ka sngi Saitjaiñ ha madan ïalehkai ha Polo, Shillong.
Ha katei ka jingïalehkai ha katei ka sngi ki ar tylli ki team ki la ïoh ban khur jingjop katba ki ar tylli pat ki ïakhaid. Ki ar tylli ki team kiba la khur jingjop ki kynthup ka PFR Academy bad ka Sacred Heart Football Academy katba ka Kick Start Academy bad ka Mawlai SC ki la ïakhaid.
Ka PFR Academy ka la khur jingjop da kaba pynliem da 2-0 kol pyrshah ïa ka Mylliem Grass Root bad ka Sacred Heart Football Academy ka la khur jingjop da kaba pynliem da 4-0 pyrshah ïa ka Rangdajied United FC.