Jop ka Mukhim bro’s bad Amlari haka ASSA 3rd Division; Ïakhaid ka jingïakhun Super Division

0

Amlarem, Naiwieng 19: Ka Mukhim bro’s bad ka Amlari ki la jop ïa la ki jong ki jingïalehkai jong ka lympung Third Division 2026-27 ba la pynïaid da ka Amlarem Sub-Divisional Sports Association (ASSA), ba la long hynne ka sngi Palei, ka 19 tarik u Naiwieng, 2026 ha madan ASSA Mini Stadium, Ladjaplem.
Katba kawei pat ka jingïakhun jong ka 3rd Division bad ka Super Division ki la kut ha ka jingïakhaid.
Haba phai sha ka jingïakhun 3rd Division ka Mukhim bro’s kala lah ba kan pynliem noh da 4-2 kol ïaka Syndai Mission. Ka Mukhim bro’s ka la pynkhihjar lyngba u Seyem Pohdweng haka minit ba 7, u Coming Manner haka minit ba 13 bad u Marbeh Mukhim haka minit ba 42 & 60.
Katba ka Syndai Mission ka la thep ïa ki ar kol lyngba u Luckystar Buam (30 & 43’).
Nangta ka jingïakhun kaba ar ka Amlari kala jop da 3-0 kol ïaka Amlatdoh, ha kaba u John Peter Buam (11’) bad u Dakermi o Sana (26’) ki la pynkhihjar mar shi sien ha ka kylla step shuwa bau Firstwish Pala un pynskhem ïa ka jingjop da ka kol kaba lai ha ka minit kaba 60.
Ka jingïakhun kaba lai hapdeng ka Shmiapang bad ka Dongnein Mupyut ka la kut ha ka jingïakhaid, ha kaba baroh arliang kim shym la lah satia ban pynkhihjar (0-0 kol).
Haba phai pat sha ka jingïakhun jong ka Super Division hapdeng ka Sohlawiat SC bad ka Umladkhur SC, ka la jingïalehkai ka la kut ha ka jingïakhaid da mar 2-2.
Ka Sohlawiat SC ka la thep lyngba u Borman Dkhar ha ka minit kaba 54 bad u Iaishah Khongmuloh haka minit ba 66. Hynrei ka Umladkhur SC ka la ïohlad ban pynïakhaid ha baroh ar tylli ki khep lyngba u Wantyjune Buam haka minit ba 63 bad u Augustine Buam haka minit ba 73.

Leave A Reply

Your email address will not be published.