Nongpoh, Jylliew 29: Uwei u rangbah uba la 50 snem ka rta u la duh noh ïa la ka jingim hadien ba u la shah tynrah ha kawei ka trok kaba la phet krad syndon na katei ka jaka hadien ka jingjia.
Kane ka jingjia ka la jia haka 28 tarik Jylliew janmiet sngi u Blei, ha ka por kumba 7:30 eiei ha surok bah National Highway-6 ha Nongpoh, Ri Bhoi District.
Ïa une uba khlad la tip kyrteng kum u Christopher Diengdoh, uba 50 snem ka rta.
Katkum ka jingïathuh jong ki paidbah kiba sakhi ia katei ka jingjia la ong ba u Christopher Diengdoh u dang pyrshang ban jam sha shiliang ka surok hajan Mawkapiah, ha Nongpoh hynrei kawei ka trok kaba her sted ka la tynrah ïa u, bad iuh syndon haduh ba un da khlad noh hashen na ka jingmynsaw jur.
Mar ïa ïoh jingtip halor kane ka jingjia, ki pulit ka Nongpoh Traffic Police ki la leit mar-mar sha katei ka jaka ban tohkit ïa ka jingjia bad ban thwet ban lapdien ïa katei ka trok. Hadien kane, la pynkit ïa ka met jong uba khlad sha Civil Hospital, Nongpoh ban leh ïa ka post-mortem examination.
