Shillong, Jylliew 29 : Ka Meghalaya New and Renewable Energy Development Agency (MNREDA) ka la ïoh pdiang ïa ka SKOCH Gold Award 2026 ha ka Power & Energy category na ka bynta ka Chief Minister’ Solar Mission ka Sorkar Jylla.
ïa kane ka khusnam la aiti ha ka 108th SKOCH Summit- Public Policy Forum on “Regulatory Framework for Viksit Bharat” ba la pynlong ha PHD Chamber of Commerce and Industry, New Delhi, myn ha ka 20 tarik Jylliew.
I Kong Elizabeth Kharjana, Assistant Director, MNREDA, bad kong Audrey H Mukhim, Accountant, MNREDA, ki la pdiang ïa kane ka khusnam na ka bynta ka Directorate.
Ka Chief Minister’s Solar Mission ka thmu ban weng ïa ka jingduh bording bad ban pynkhlaiñ ïa ka jingïoh ïa ka bording ba lah ban shaniah lyngba ki technology kiba khuid bad ba ïai neh.
Ka skhim ka ai ïa ki solar hybrid inverter system bad ki solar water heater sha ki longïing, ki Institution bad ki jaka treikam. La kyrshan lyngba ka subsidy na ka Jylla, ka synñiang ki nongïoh bynta bad ka jingbei tyngka ki Bank.
Hapoh ka Mission, palat 1.2 MW ka bording lah ban bynrap, bad ka thong ba palat 10MW yn sdang ban kynjoh.
