Khlad u nongbud bad mynsaw jur u draibar ba kylla ka trok sha riat ha Umling

0

Nongpoh, Jymmang 06: Ha kawei na ka jingjia ba sngewsih kaba la jia hynnin ka miet ha ka por 10 baje ei ei janmiet, u nongbut jong kawei ka trok u la duh noh ïa la ka jingim bad u dribar pat u la mynsaw jur, kaba dei hadien ba kawei ka trok ka la kylla bad hap shariat ha jan ka khlaw ka tnad Forest ha Umling.
Une u nongbut katei ka Trok kaba don ïa u number WB 23 E 5691 la tip kyrteng kum u Sonathan Kormokai bad u Dirbar pat la tip kyrteng kum u Tapash Roy, kiba dei na West Bengal.
Halor kane ka jingjia, ïa utei u Dribar bad u Nongbut katei ka trok la rah noh mardor sha Civil Hospital Nongpoh ban ioh ïa ka jingsumar bad hadienba la poi ha katei ka jaka ai jingsumar ki Doctor ki la pynthikna ba utei u nongbut jong ka trok u la khlad noh namar ka jingjur ka jingmynsaw bad u Dirbar pat u dang don hapdeng ka jingshah jingsumar na ka jingmynsaw jur jong u ha kane ka jingjia.Kumba la ioh lum jingtip, la ong ba kane ka Trok ka la kylla sha riat harud ka surokbah National Highway ka dei namar ba la pynsher sted u Dribar bad halor kane ka jingjia ki pulit ki la pynlong ïa ka jingtohkit kaba dei katkum ki kyndon jong ka aiñ.

Leave A Reply

Your email address will not be published.