Shillong, Jymmang 22: Ka Khasi Student Union (KSU) NEHU unit hynne ka sngi kala khang tala ïa ka ophis treikam u vice chancellor (VC) jong ka skulbah NEHU u Prof. Prabha Shankar Shukla halor ka jingkuman ïaki jingdawa.
ïa kane ka la leh namar ka jingkuman ka jong u VC ban pynbiang ïaki jingdonkam jong ki samla pule ka skulbah NEHU ha ki bun ki liang naduh ka Bus, ka jingbym lah ban pynbiang ïa ki jingdonkam hapoh Hostel bad kumta ter ter kiba ka seng ka lah buh jingdawa haman ki por ba ka ïakynduh bad u VC.
Ka seng hynne ka sngi ka lah leit ban kynduh ïa u VC ban ïakren halor ka jingslem ban pynurlong ïa kitei ki jingdawa hynrei na ka daw ka jingbym treh u VC ban ïakynduh ka lah pynlong ïa ka seng ban khang shi syndon ïaka ophis treikam jongu.
Haka juh ka por ka seng kala pynpaw ba kan nym treh shuh ban ïakynduh ïa u VC tad ynda u VC u lah pynurlong ïaki jingdawa ba ka seng ka lah buh ha khmat jong u naka por shaka por.
