Jowai, Lber 03: U District Magistrate jong ka West Jaiñtia hadien bala ïoh jingtip ba ki don katto katne ki kynhun kiba la wan poi sha khmat jong ka ophis DC ha Jowai, kumta ban lait na kano kano ka jingjulor ki mar sorkar, ne ka jingduhnoh ki mynsiem briew kumta u DM ula pynjari noh da ka kyndon 144 CrPC ban khang ia ka jingïalum ki paidbah ha khmat jong ka katei ka ophis.
La khang ruh ban ïalum palat ïa ka 5 ngut ki briew hapoh ka jingjngai kaba 100 metre na ka ophis jong u Deputy Commissioner ka Jowai. Kane ka hukum kan treikam mardor naduh hala pynmih ïa ka hynnin ka miet bad kan bteng haduh ban da pynmih da kawei pat.
