Kerkut ki paidbah ïa ka ophis BDO Resubelpara ba pynduna ïa ka sngi bylla shispah sngi

0

Tura, Lber 31 : Ki Nongshongshnong jong ki Shnong kiba hap hapoh ka Resubelpara Block, North Garo Hills, ki la leit kerkut ïa ka ophis Block Development Officer (BDO) bad pyrta slogan bad kynnoh ba ka pynduna ïa ka sngi bylla jong ki Job Card Holder hapoh ka Mahatma Gandhi National Rural Employment Scheme (MGNREGS).
Kane ka jingïakhih paidbah kala mih hapdeng ka Social Audit Hearing halor kane ka skhim ba long ha ka sngi Palei.
Ki nongshongshnong ki la buhnud ba bun kim shym la ïoh ïa ka hok ban trei bylla kat kum ka sngi bylla ba 100 sngi ha ka shisnem.
Don kiba kam ba kila ïoh ban bylla tang 30-40 sngi ha ka shisnem bad kynnoh ïa ki Nongpyniaid ka Block ba kim lah ban pynbiang ïa ka jingai bylla kat kum ka skhim.
Ka BDO ka la pyrshang ban pynsngewthuh ïa ki bad batai ruh ïa kiba bun ki jingdonkam haba ïadei bad ki job card bad ruh ki sngi bylla haba kular ba kan sa khmih ia kane ka kam. Hynrei kane kam shym la pynhun satia ïa ki nongshongshnong.
Namar ka jingbym lah pynjai jai, la hap ban khot ïa ki Pulit ban tem ïa u paidbah uba dwa ïa ka jubab ba balei ba pynduna ïa ki sngi bylla haba kynnoh ruh ïa ka BDO ba ka leh ïa kane ka kam.
U Deputy Commissioner RP Marak ula pyntip ba ula bthah ïa u Project Director ka DRDA ban shong bishar ïa ki jingkam u paidbah bad ban aiti ïa ka kaiphod kham kloi kat kaba lah.

Leave A Reply

Your email address will not be published.