Kdew ka TIMS App bym ihun ïa ka jingwan ki nonghikai sha skul, phah jurip u SPD SEMAM

Shillong, Risaw 20 : U State Project Diector jong ka State Education Mission Authority of Meghalaya, Samagra Shiksha, Shillong ha ka shithi ha ka 15tarik mynta u bnai u la thoh sha baroh ki bor pynïaid jong ki skul SSA ba kin peitngor bad pynlong ruh ka jingjurip kaba man ka por ban peit ïa ka jingwan ai kyrteng (attendance) tista jong ki nonghikai ha ka TIMS App man ka sngi.
Katkum katei ka shithi, la kam ba ki lap ba ka jingwan jong ki nonghikai ban ai kyrteng kumba ka paw ha ka TIMS App kam long satia kaba i hun bad kam ïahap katkum ka rukom treikam kaba ïaid beit bad ryntih.
Katkum ka jingong jong u SPD, katei ka TIMS App ka long ba baroh ki nonghikai Samagra Shiksha Abhiyan (SSA) ha man ki distrik ki dei ban rejistar bad pyndonkam ïa katei ka Teacher Information Management System (TIMS) App na ka bynta ban ai kyrteng kaban pyntikna ruh ïa ka jingwan jong ki sha skul.
La kdew ruh ba kane ka jingai kyrteng ha ka TIMS App kan dei ka bynta kaba kongsan tam na bynta ki nonghikai SSA. La ong ruh ba kane kan pynlong ruh ïa ka tnad ban buh ïa ka rekod kaba biang na ka bynta ka jingwan ki nonghikai bad ïa kane kin sa lah ban pynïahap bad ka jingpyllait ïa ka tulop lyngba ka PMFS system.
“Nalorkane, ki District Mission Coordinator (DMC) ki dei ban peitngor tista da kaba leit ban jurip khnang ba kane kan pyntikna ba baroh ki nonghikai kin ai kyrteng man ka sngi ha ka TIMS App khlem bakla.