Nongpoh, Rymphang 25: Kawei ka Auto Truck bad ka JCB ba pynieng ha phyllaw ïing ki la jan ingkhong ha ka ding, kaba dei hadien ba ki runar ki la leit ban kawang da u Petrol Bom bad ha kane ka jingjia donbok noh ba la lap kloi noh da ki trai ing kiba la pynlip kloi noh ïa ka ding da kaba theh um mardor ban lait ka jingpluh jong katei ka Auto Truck bad ka JCB.
Kane ka jingjia ka la jia mynta ka step ha ka por 1.20 mynstep, ha kaba la ong ba ki runar kiba ym lah ban tip ne ithuh dur khmat ki la wan ban kawang da u Petrol bom ha katei ka jaka ba la pynieng ïa ka Auto Truck bad ka JCB, ba hap ha ka phyllaw ïing jong u Bah Lovercuf Nongshli ha ka Shnong Umsning Patarim ba hap ha ka Umsning Police Outpost ha Ri Bhoi District.
Kumba la ïoh lum jingtipla ong ruh ba katei ka Auto Truck kaba don ïa u number ML 10 A – 4205 ka dei jong uwei u bar jylla ba la tip kyrteng kum u Horander Prasad, ha kaba u ju pyndonkam ban kit ïa ki mar, hynrei ki runar ki la wan ban kawang da u petrol bom ba la ïoh ban pynlip kloi noh ïa ka ding khlem da don kano ka jingjia ba snewsih.
Halor kane ka jingjia, ki pulit ka Ri Bhoi tang mar ïa ïoh jingtip ki la hiar mardor sha katei ka jaka ban pynlong ïa ka jingtohkit bad ha ka jingtohkit la lap ba ym don kano kano ka jingjia ba sgewsih lait noh ka jingjulor ba malu mala katei ka Auto Truck.
Ban lap dien ïa ki runar kiba don kti ha kane ka kam ban kawang petrol bom, na ka liang ki bor pulit ka Ri Bhoi ki la pyntip ruh ba ki la pynlong ïa ka jingtohkit kaba jur ban lap ksai ïa ki runar kiba don kti ha kane ka kam beaiñ bad ki runar kiba don kti ha kane ka kam lada lap kin nym lait na ki kyndon jong ka aiñ, ong u heh pulit ka Ri Bhoi.
