Shillong, ïaïong, 25: U Muktiar ba la kham rangbah ha ka jylla u Bah VGK Kynta ha ka sngi Baar u la kam ba ka Elekshon MP sha ka Iingdorbar Thawaiñ Lok Sabha lehse kan sa long ka elekshon kaba khatduh na ka bynta ka Shillong Parliamentary Constituency.
“Katkum ka jingphiah ba la pynkhreh da ka Election Commission of India (ECI) kaba ngam pat da lah ban pynthikna bha, hynrei katkum ka jingtip jong nga shimet, lehse ka lah ban don noh tang kawei ka Lok Sabha Seat ha Meghalaya,” la ong u Bah VGK Kynta ha ka jingïakren bad ki lad pathai khubor.
“Kan da la poi kata ka por, kan jin da la long ka jingduhnong kaba khraw lehse ngin ym shuh shuh ïa ki kyrtong ka Shillong Seat namarba kan don beit sa tang kawei ka Seat,” la ong u Bah Kynta.
“Kino kino kiba jop ïa ka elekshon MP ha u snem 2024 ki dei bantrei shitom ban ïasaid na ka bynta ban pynneh ïa ka Shillong Lok Sabha Seat namarba ha ka riti ka dustur ngi ïapher na ki jaidbynriew Garo. (Para) Khasi-Jaiñtia ngi ïasngewthuh hynrei ban ïakhleh lang tang uwei u MP ha Lok Sabha kan long kaba ma,” la bynrap u Bah Kynta.
