Nongpoh, K’Lyngkot : Watla ki pulit jong ka jylla Meghalaya bad Assam ki la pynjur ïa ka jingïakhun ban tehlakam bad ban pynduhjait ïa u drok bad kiwei kiwei ki jait jingdih buaid, hynrei ki runar I kumba kim kheiñ snep eiei tang ban kamai pisa ki ju shalan ïaki drok ha kiba bun rukom kumba ki pulit Assam hynnin ka sngi kila ïoh ban kurup haduh 101 kilo u Kynja ba thmu ban shalan sha ki thaiñ Guwahati.
Ki pulit jong ka nongbah Guwahati haka jingïalam u JCP Partha Mahanta, hadien ka jingtip kaba bñiah hynnin ka sngi kila pynlong ka jingpynap shrip ha Jorabat bad ïohbat ïa kawei ka trok kaba don ïa u number HP 62 B 5088 kaba dang wan naka jylla Tripura bad haka jingtalasi ki pulit kila ïoh ban kurup kumba 101 kilo u kynja bala song bha haki plastic.
Hadien ka jingtohkit ki pulit kila ïoh ban kem 2 ngut ki briew ba donkti ha katei ka kam bad ka jingtohkit ka dang ïaid shakhmat ban lap shuh shuh ïa kiba donkti.
