Shillong, Rymphang, 09: Ka Congress ha ka sngi Palei ka la pyllait paidbah ïa ka thup kyrteng jong ki 40 ngut ki nongkren ba pawkhmat ha ka elekshon sha ka Ingdorbar Thawaiñ ka Jylla ba kynthup ïa ki nongïalam bahakhmat ka party kum u Mallikarjun Kharge, ka Sonia Gandhi, u Rahul Gandhi, ka Priyanka Gandhi Vadra bad u Mukul Wasnik.
Ka thup kyrteng ka kynthup ruh ïa u President ka MPCC u Bah Vincent Pala, u Ashok Gehlot, u Bhupesh Baghel, u Sukhvinder Singh Sukhu, u Jitender Singh, u Manish Chatrath, u Sachin Pilot, u Gourav Gogoi, u Nabam Tuki, u Shashi Tharoor bad u Benny Behanan.
Ka Congress ka la pynbna ruh ïa ka thup ba 60 ngut ki kyrtong na ka bynta ka elekshon sha ka iingdorbar thawaiñ.
Shwa kane, ka party ka la pynbna ruh ïa ki san tylli ki mat kular elekshon.
