Nongpoh, Lber 26: Ka ophis u District Election Officer, Ri Bhoi District, Nongpoh u la pyntip sha baroh ki nongthep vote jong ka District shaphang ka ‘Home Voting Facility’ lane ka lad ban thep vote ha iing. Ka Election Commissioner of India (ECI) ka la pynmih ïa kane ka lad na ka bynta ki nongthep vote kiba don ïa ka card thep vote (EPIC), kiba la kynjoh ïa ka rta 85 snem shaneng bad ruh na ka bynta kito kiba don ka jingduna ha ka dkhot met 40% ha ryngkat ka Disability Certificate bad kiba la dep ithuh ha ka Electoral Roll.
Ki lah ban ioh ïa kane ka lad da kaba apply lyngba ka FORM 12D bad la bthah ruh ïa baroh ki Booth Level Officer (BLO) jong ki shnong baroh ban pynpoi ïa kine ki form sha ki nongthep vote ki ba dei hok ban ioh ïa kane ka lad bad ban pynpoi pat sha ka ophis jong u District Election Officer.
