Ka jingtei ïingmane ha Chhattisgarh ka kham kiew ha ka por ba synshar ka BJP: CM Chhattisgarh

0

Shillong, K’lyngkot 08: U Myntri Rangbah jong ka jylla Chhattisgarh uba dei na ka seng Congress u Bhupesh Baghel u la kam ba ka jingkiew ka jingtei ïa ki ïingmane ha ka jylla Chhattisgarh ka dei ha ka por ba ka BJP ka synshar.
Haba ki MLA na ka party BJP ki la rah ïa ka mat ïatai ha ka ïingdorbar thaw aiñ ka jylla ban ïatai halor ka jingkiew ka jingdon kiba jied ban bud ïa ka jinghikai ki balang Khristan bad ruh ban ïatai halor ka jingpypra ïa ka ïingmane ha kane ka taïew ba la dep noh.
Haba kren halor kane ka mat ïatai ki MLA na ka BJP ki la ther ïa ka sorkar Congress kaba la sysnshar ha ka jylla halor ka jingbym shimkhia ban teh lakam ïa ka jingkiew kiba jied ban long Khristan noh.
U myntri Rangbah ka jyne ka jylla u Bhupesh Baghel, uba ym shym la lah ban poi ha ka dorbar hynrei uba la kren pynksan ïa ki seinjam kiba ka sorkar jong u ka la shimkhia halor kane ka mat u la ong, “Dei ha ki 15 snem ba ka BJP ka synshar ha ka jylla ba ki balang Khristan ki ïohlad ban tei ïingmane ym satia ha ka por ba synshar ka Congress” bad namarkata u la ong ba ka jingkylla kiba ym pat long Khristan sha ka niam Khristan ka kham jur pynban ha ka por ba ka BJP ka synshar ïa ka jylla.

Leave A Reply

Your email address will not be published.