Ka jingpynbna na ka ophis u DC (Election) East Jaiñtia Hills District ha kaba ïadei bad ka MLA Election
Khliehriat Kyllalyngkot 31: Ka ophis jong u Deputy Commissioner (Election) jong ka East Jaiñtia Hills District ka pynbna paidbah ïa ki kam kiba ïadei bad ka election MLA na ka bynta ki kyrtong jong ka 6-Khliehriat Constituency bad ka 5-Sutngga Saipung Constituency.
Ha kaba ïadei bad ka 6-Kliehriat Constituency, la bthah ba ïa ki Nomination Paper dei ban wanrah da ki kyrtong ne ki briew jong ki ha ka karma treikam jong u bah G.Warjri, MCS, uba dei ruh u Returning Officer lane ha ka kong F.Wann, MCS, kaba dei ka Assistant Returning Officer, ha ka kamra No.213, ha ophis jong u Deputy Commissioner, East Jaiñtia Hills District, Khliehriat, ha ka por 11 baje mynstep haduh 3 baje jan miet bad ym dei ban palat ïa ka 3 baje jan miet jong ka 7 tarik u rymphang 2023.
Ia ki Nomination papers yn rah pat ïa ki ha ka kamra No 210, kaba dei ka Conference Hall kaba don ha ophis u Deputy Commissioner na ka bynta ban leh ïa ka scrutiny , kata ha ka 8 tarik u rymphang 2023.
Ia ki shithi (notice) ban pynsangeh (withdrawal) jong ki kyrtong dei ban pynpoi da u kyrtong (candidate) lane da uno uno u briew jong u candidate uba dei u Election Agent uba la ioh jingbit da ka jingthoh (authorisation) na u/ka kyrtong bad dei ban pynpoi ha shwa ka 3 baje ha ka 10 tarik u rymphang 2023.
Na ka bynta ka 5-Sutnga Saipung Constituency, ka ophis jong u Deputy Commissioner (Election), East Jaiñtia Hills District, Khliehriat ka pynbna ba ïa ki Nomination paper dei ban pyn poi ha u bah J. Shylla, MCS, Returning Officer lane ha u bah R. Brahma, MCS, Assistant Returning Officer, ha ka karma No 242, ha ophis jong u Deputy Commissioner, East Jaintia Hills District, Khliehriat, ha ka por 11 baje mynstep haduh 3 baje janmiet bad yn dei ban palat ïaka 3 baje jong ka 7 tarik u rymphang bad ïa ki form Nominaation yn buh ryntih ha ki jaka kumba dei bad ïa ki Nomination paper yn rah ha ka kamra No. 225, Conference Hall, ha ophis jong u Deputy Commissioner, East Jaiñtia Hills District, Khliehriat ha ka 8 tarik u rymphang 2023 na ka bynta ban leh ïaka scrutiny.
Ia ki shithi (notice) ban pynsangeh (withdrawal) jong ki kyrtong dei ban pynpoi da u kyrtong (candidate) lane da uno uno u briew jong u candidate uba dei u Election Agent uba la ioh jingbit da ka jingthoh (authorisation) na u/ka kyrtong bad dei ban pynpoi ha shwa ka 3 baje jong ka 10 tarik u rymphang 2023.