Ki shipai ngam um, SRT bad F&ES ki la lah ban sei ïa ka met jong u samla Kefel Nongsiej ba ngam jyllop ha ka thwei ha Rangad

0

Khliehriat kyllalyngkot 31: Ki shipai ngam um jong ka jylla, State Rescue Team lem bad ka kynhun jong ka Fire & Emergency Service kiba na Shillong, mynta ka sngi, ha ka por kumba 1 baje myn sngi ka la lah ban sei napoh um ïa ka met jong u samla Kefel Nongsiej, uba na ka shnong Kynshi Mawria, Eastern West District, uba la ngam jyllop ha ka thwei jong ka kshaid Umbyrleiñ, ha shnong Rangad, East Jaiñtia Hills District.
Kum ban shu phai dien, tei u samla Kefel Nongsiej, 18 snem kyrta u dei u khun jong i kong E.Nongsiej na ka shnong Kynshi Mawria, Eastern-West District, u dei ruh uba shu trei bylla ha sor Shillong, hynnin ka sngi utei u samla u la ngam jyllop ha kawei ka thwei kaba don hajan ka kshaid Umbyrleiñ, ha shnong Rangad, East Jaiñtia Hills District, bad ong ba u la wan lang da ka bos ryngkat lang bad kiwei pat ki paralok kiba na ki shnong bapher bapher bad ong ba ka bos ka dei kaba mih na shong Nongmynsong, Shillong bad ki la ïa wan kai pyngngad ban peit ïa katei ka kshaid Umbyrleiñ bad wan bamkhana, hynrei sngewsih pat ba utei u samla u la ngam jyllop noh ha ka thwei ba don ka kshaid.

Leave A Reply

Your email address will not be published.