Shillong, K’lyngkot : U Superintendent of Police ka East Khasi Hills District, Shillong da kane u pyntip ba ha ka 28 tarik u Kyllalyngkot 2023, ki pulit ki la lap ïa kawei ka metïap jong uwei u rangbah u bym lah ban ithuh kaba thiah lyngktar ha Laishret (Ichamati), bad hadien la ithuh ïa une u briew kum u Bawna Boro.
Kumta ruh hadien ba la pyndep ïa ki jingdonkam baroh la pynkynriah noh ïa kane ka metïap shapoh Civil Hospital, Shillong bad hadien ka PM report la pynkynriah shapoh ka jaka buh metïap jong kane ka hospital na ka bynta ka jingpynithuh bad wan shimti.
Une u rangbah u ba la don kumba 45 haduh 50 snem rta u dei uba kham pyllun ka durkhmat, u don ka rynïeng kumba 5.4ft bad u phong da ka sopti Tshirt lyngkot kti kaba jyrngam bad ka patlun traksut kaba ïong.Kumta la kyntu ïa kiba haïing hasem bad kiwei pat kiba don jingïadei bad une u rangbah ba kin phone mardor sha kine ki nombor na ka bynta ka jingwan shimti ïa ka metïap. OC Shella PS :0364-2261353, I/C Police Control Room, Shillong : 0364-2222214 / 2222215.
