Jowai, Rymphang 22: U Deputy Commissioner & Chairman District Disaster Management Authority West Jaiñtia Hills District, Jowai ula pynbna ïa baroh ki nongshong shnong ba kidei ban long kiba phikir bha haka por bajur lyer ban lait na kano kano ka jingmynsaw khamtam ha ba ïadei bad ka jingpluh ding bad ruh ban peit bha ïa ki wire tan ding elektrik ha ïing.
La kyntu jur ban khmih bad pynskhem bha ïa ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh ñuit, ki sign board bad kiwei kiwei ki mar kiba lah ban shah rong ha ka por bajur lyer.
Lada ka jingba leilieh ka long kaba jur bad neh slem kan bha shibun ban nym pyndonkam ne ban pynmeh ïa ki tiar elektrik kum ki mobile, isteri, radio, telebision bad kiwei kiwei ki tiar kiba pyndonkam da ka bor elektrik.
