Ka Artificial Intelligence (AI) ha ka juk ba mynta

Arkidon Dkhar (Khliehriat-EJHD)

0

Ka Artificial Intelligence (AI) ka long ka wei na ka kyntien ne ka phang ba ki briew ha shityllup ka pyrthei kaba ki iakren bha.
Kane ka la sdang ban wanrah ïa ka jingkylla hajan baroh ki bynta ne karkhana (industries) bad la khmihlynti (Predicted) ba kan nang wanrah shuh shuh ïa ki jingkylla kiba sted bha nangne shakhmat. Kane ka Artificial Intelligence (AI) ka don ka bor ban pynkylla shisyndon ïa ka rukom ba ngi im bad trei, tangba ka long kaba donkam ban sngewthuh shaphang kane bad ban tip ba kane ka dei ka ei bad kumno ka treikam?
Ha ka phangpdeng (Core), Ka AI ka dei ka jingpynbha ïa ki bor jong ki kor komputer kaba lah ban leh ïa ki kam kiba donkam ïa ka jingstad briew, kine ki lah ban trei naduh ki kam barit kum ban ithuh kaei ka ba don ha ka dur bad ïa ki kyntien ba don ha ka, haduh ki kam ba heh bad kiba eh, kumjuh ruh kum ka jingjied ïa ka ba bha bad shim ïa ka Rai (decision – making) bad ban pynbeit (solve) ïa ki jingeh (problem solving). Ka AI ka la lah ban pynsakhi ba ka long kaba khraw ha ki bynta bapher bapher kum ha ka jingkheiñ jingdiah (Finance), ki dawai (medicine field) bad ha ka jingleit jingwan (Transportation) bad ka jinglah jong ka, ka long ka bym don jingkut (Virtually limitless).
Kawei na ka bynta ka ba pynlong ïa ka ba kan khraw ka dei, ba ka lah ban sngewthuh bad nang ban pdiang bad pyndonkam ïa kata ka jingtip jong ka. Ka machine learning ka dei ka bynta jong ka AI kaba pynleit jingmut ban hikai ïa ki machine ha ki data khlem da thoh ïa ki program. Kane ka mut ba kat nangbun ki data ba ngi ai (input data) sha ka machine, ka nang sngewthuh bad ban pyntbit shuh shuh ïalade . Da kane ka jinglah ki la mih ki nongïarap jong ngi (personal assistant) kum ka Siri bad Alexa kiba lah ban sngewthuh ïa ki kyntien ba ngi pyndonkam bad jubab bad leh ïa ki kam ba ngi kwah (voice command).
Sa ha kawei ka bynta ba ka AI ka la sdang ban wanrah jingkylla ka dei ha ka bynta jong ka Robotics. Ki robot ba lah ban nang da lade (Automous robot) kiba lah ban leh ïa ki kam kiba ma (danger) bad kiba shitom kaba ngi ki briew ngim lah ban leh, kum ka nuksa, ban ngam sha tynrai ki duriaw, ka jingsumar ha ka ba bha tam (precision operation). Ïa kine ki robot lah ban program ban ïatreilang bad ki briew ha ki kharkana (factories) ban thaw bad shna ïa ki jingdonkam.
Tangba ngi dei ban kynmaw ba ki jingdon kino kino ki kor ki bor kiba thymmai (new technology), ki don ki jingma kiba ap ïa ngi lada ngi buh ïa kine ki kor ki bor hakhmat (concern) kiba ka AI ka wanrah ha ka imlang sahlang, kawei na ki jingma ba buh ïa ngi ka dei ka jingduhkam duhjam (jobs replacement). Katba ka machine ka nang kiew ha ka jingnang jingstad kan lah ban leh ïa ki kam ba ki briew ki shait leh bad kane kan pynlong ïa ngi ki briew ki bym donkam donjam shuh (obsolete). Sa kawei ngin hap ban buh ha jingmut kata ïoh ba ki don ïa kata ka jingstad ban thew hi ïalade, ïa ki bomb ioh kan kylla ka jingsyier jingma ïa ngi.
Ban tehlakam ïa kine ki jingma, ka long ka ba donkam ba ïa ka AI yn thaw ha ka nongrim babha, kane ka lah ban long da ka ba ki Sorkar, ki agency bapher bapher bad ki organization kin hap ban ïatreilang ban thew ïa ki policis bad ki jingteh jingkhem (regulation) ka ban pynphriang ïa ka jingbha bad ka nongrim ba skhem ban pyndonkam ïa ka AI ha ka rukom ban wanrah ïa ka jingbha jingmiat jong u briew. Kane kan pynkhraw ïa ka jingim jong ngi khlem ka jingtieng ïa ki briew bad ka imlang sahlang.
Ha ka jingpynkut, ka AI ka dei ka technology ka nongpynkylla ban pynpher ïa ka pyrthei kum ba ngi tip naduh ki autonomous robot shaduh ki nongiarap (personal assistant). Ka AI ka la ieng sakhi ïa ka jinglah jong ka ban pynjanai ïa ka jingim jong ngi haba bun ki liang. Tangba ha man ki jingim ba thymmai, ki don ruh kiba ngi hap ban bishar bha. Kan shong sa ha ngi ki briew ba ngin iatreilang ban pyntikna ba ka jingthaw ïa kane ka AI kan long ha ka rukom kaba dei bad ha ka nongrim babha. Kawei na ki Artificial Intelligence (AI) kaba pawnam bha mynta ki por ka dei ka chatbot kaba kyrteng CHATGPT.

Leave A Reply

Your email address will not be published.