Nongpoh, Rymphang 06: Namar ka jingtuid jong ki paidbah nongkyrshan ka UDP sha ophis u Deputy Commissioner ka Ri-Bhoi haka sngi ba 4 ngut ki kyrtong ka UDP ka Ri-Bhoi naduh u Bah Mayral Born Syiem kyrtong ka UDP Nongpoh, Bah Badhok Nongmalieh kyrtong na Jirang, Bah Baiahunlang Makdoh kyrtong na Mawhati bad u Bah Sunshine Makri kyrtong na Umsning, ki leit ban thep kyrteng mynta ka sngi hakhmat ki Returning Officer bad lyngba jong kane ka sngi la sakhi ruh pat ba ka la wan rah jingdheng kali kaba jur shipor ha baroh ar liang ka surok bah National Highway jong ka sor Nongpoh namar ka jingtuid jong ki kali kiba wah ïaki lama UDP naduh ki kali ar shaka.
La sakhi ruh katei ka jingdheng kali ba shipor kala sdang naduh ka thaiñ Pahamsyiem namar ki nongkyrshan jong ka UDP kila leit ban ïeng shuwa ha khmat ka ophis jong u Bah Mayral Born Syiem u ba dei u kytrong jong ka UDP Nongpoh Constituency ban pynpaw ïaka jingkyrshan ïa kitei ki kyrtong ka UDP bad ki la leit ruh ban synran lang shaduh ophis u Deputy Commissioner ka Ri-Bhoi ban ap haduh ba kin da dep thep kyrteng.
