Mawkyrwat, Ïaïong 28: Ki 10 tylli ki ïing briew ki la shah pynjulor na ka jingwan ka ‘erïong ‘erlang thari ha ryngkat u slap ha ki por kumba 2 baje haduh 4 baje mynstep jong ka 27 tarik u Ïaïong, 2026 hap hapoh jong ka Ranikor C&RD Block, Ranikor Civil Sub Division, South West Khasi Hills District.
Katkum ka tyllong khubor ba la ïoh lum la iathuh ba ki longïing kiba la shah ktah bad shah pynjulor ki long baroh 10 tylli kata 5 tylli ha shnong Mawthabah bad 4 tylli ha shnong Phudumiap, bad kawei ka ïing ha Shnong Lawsiej ki shnong kiba hapoh ka Ranikor C&RD Block.
La ïathuh ruh ba ha kane ka jingjia jong ka jingwan lynshop ka ‘erïong ‘erlang thari ym shym la don mano mano ba mynsaw.
