Shillong, ïaïong : Kawei na ki rynsan kaba thmu ban plielad ha ka liang ka pule puthi na ka bynta ki samla pule kaba la khmih lynti bha ha ka jylla Meghalaya, kata ka 6th Education Fair, kan long ha ka 30 tarik Iaiong bad 1 tarik Jymmang 2026 ha Vivanta Meghalaya, Shillong naduh ka por 10 baje mynstep haduh 5:00 janmiet.
Ha kane ka jingïalang yn pynïasoh lang da palat 40 tylli ki jaka pule ba pawnam na kylleng ka ri India, ka ban ailad ïa ki samla pule kiba kwah ban ïoh ïa ki jingtip ba beit sha-phang ki jingpule, ki jingpdiang sha ki jaka pule, ki jingai jing-ïarap, bad ki lynti treikam. Ka fair ka plie ia ki samla pule, ki kmie ki kpa, bad ki nonghikai bad ka jingrung ka long kaba laitluid pura.
Palat 50 tylli ki jaka pule ba pawnam na kylleng ka ri kiba ai ïa ki jinghikai ba kyr-pang ha ka engineering, hospitality, communication, IT, nursing, acrchitecture bad kiwei kiwei ki jinghikai jong ka juk thymmai ha kaba kan don ka jingiasyllok kaba marwei mar-wei na ka bynta kito kiba don ia ka jingangnud, ka jingweng ïa ki jingartatien jong ki bad ki jingbatai ïa ki rukom aplai.
Nalor ba ka wanrah ïa ki samla pule bad ki jaka pule ba bha tam hapoh kawei ka rynsan, kane ka jingïalang ka ïarap ruh ïa ki nongthmu bad ki nong-sumar ban ïoh ïa ka jingïakren kaba bniah shaphang ki jing-donkam bad ki rukom siew bai pule jong ki kolej ryngkat bad ka jingïalam jong ki riew shem-phang. Kan pynsuk ruh ïa ka jingïanujor kaba suk ban ïarap ha kaba shim ïa ki rai kiba bniah, kiba ïadei bha katkum ka jingdonkam jong iwei pa iwei.
Ki shipai Indian Army bad Indian Air Force kin ïa-shimbynta ha ka sien ba nyng-kong ban ai jingtip markhmat sha ki samla pule ka nongbah Shillong.
