Jowai, Ïaïong 18: Ka jingïalehkai Cricket ba la tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 18 tarik ha Madan Khliehtyrshi Mini Stadium ha kaba ka kynhun jong ka Ummulong Sports Club kala jop da 82 runs ïaka Evergreen Sports Club Mukhla Mission.
Haba phai sha ka jingïakhun ïaka jingkynting pisa la jop da ka Ummulong Sports Club bad kaba la jied ban tied nyngkong da kaba kamai haduh 264 runs na ki 35 overs bad hap 9 wickets, kiba kamai run bha ki long u Wellmanson Passah 68 runs 53 balls, U Carefully Gassah 53 runs 53 balls bad u Heisniawlangki Lamare 41 runs 41 balls, katba na ka liang ka Evergreen SC kiba ïoh ban khur wickets ki long u Khimti Dkhar 3 wickets naki 7 overs bad u Felixdon Bang 2 wickets na ki 6 overs.
Haba wan ban beh ïa ka thong ka Evergreen SC kala lah ban kot tang 182 runs na ki 35 overs bad hap 9 wickets, ha kaba u Evilin Challam ula kamai 45 runs na ki 36 balls, U Dangahi Suna 49 runs na ki 61 balls, katba na ka liang ka Ummulong kiba ïoh ban khur Wickets ki long u Wellmanson Passah 3 wickets naki 7 overs.
Ïa ka Nam Man of the Match mynta ka sngi ka ïoh da u Wellmanson Passahiong ka Ummulong Sports Club.
