Jop ka Nongkhroh rim, Maya SC bad Onfroy United haka Thadlaskeiñ Football League

0

Wahiajer K’lyngkot 16: Ka lympung ïalehkai phutbol bala tip kum ka Thadlaskeiñ Football League 2024 bala pynïaid da ka Thadlaskeiñ Sport Association kaba la long mynta ka sngi 16 tarik u Kyllalyngkot, 2025 ha madan mini Stadium Wahiajer West Jaiñtia Hills District.
Haba phai sha ka jingïakhun ba nyngkong ka kynhun ïalehkai jong ka Nongkhroh rim kala pynliem da 1-0 kol ïa ka Umjalasiaw, ïa katei ka shikol na ka Nongkhroh rim la thep da u Rahbok Synnah haka minit ba 7.
Ha ka jingïakhun kaba ar ka Maya SC kala pynliem da 1-0 kol ïa ka Ryntih Mynsngat, ïa ka kol la thep da u Dawhoi Dhar haka minit ba 16.
Katba ha ka jingïakhun kaba lai ka Onfroy United kala pynliem da 2-1 kol ïa ka Mukhla Veteran, ïa kitei ki kol naka Onfroy United la thep da u Leading Shiwat haka minit ba 11 bad u Masan Shiwat (44’). Ïa ka shikol na ka Mukhla Veteran la thep da u Ricky Sari haka minit ba 22.
La pyntip ka jingïakhun lashai ka sngi 17/1/2025 haka por 10 baje mynstep ka Grounded FC kan ïakhun pyrshah ïa ka Nartiang SC, haka por 12 baje mynsngi ka Tyrshang pyrshah ïa ka Tyllilang i moobakhon, katba ha ka por 2 baje nohphai sngi ka Nongkhroh Sohbar kan ïakhun pyrshah ïa ka Tympang SC Iongshiwiat.

Leave A Reply

Your email address will not be published.