Jop ka Nongdawah SC bad ka YC Pdengkarong haka phutbol ha Pdengshakap

0

Jowai, K’lyngkot 12: Ka Nongdawah SC bad ka YC Pdengkarong kila khur jingjop haka jingïalehkai ”11th Pdengshakap Secondary School Invitation Football Knock-out Tournament” bala pynïaid daka Dorbar shnong Pdengshakap kaba la long ha kane ka sngi saitjaiñ 18 tarik u Kyllalyngkot.
Kane kala wan hadien baka Nongdawah SC kala jop da 2-1 kol ïaka Friend United, ïaki ar kol jong ka Nongdawah SC la ïoh ban thep da u Babetto Mawthoh haka minit kaba 26 bad u Baehbok Sari haka minit kaba 39. Katba ïaka shikol jong ka Friend United la ïoh ban thep da u Johi Mynsang haka minit kaba 66.
Haka jingïalehkai kaba ar pat ka YC Pdengkarong kala jop da 3-1 kol ïaka Shkenpyrsit SC, ïaki kol jong ka YC Pdengkarong la ïoh ban thep da u August Buam uba la thep arkol kata haka minit kaba 44, 79 bad u Batskhem Pohshna haka minit kaba 50. Katba ïaka shikol jong ka Shkenpyrsit SC pat la thep da u John Mukhim haka minit kaba 45.
Yn bteng biang ïaka jingialehkai haka 25 tarik mynta u bnai ka ban dei ka jingïalehkai 2nd Round ba nyngkong haka por 12 baje mynsngi hapdeng ka Kynrumlang-i pyrshah ïaka Brother Enterprises, katba haka por 2 baje nohphai sngi pat ka Rymbai Shkenshynriah SC pyrshah ïaka Amlanai Young Boys.

Leave A Reply

Your email address will not be published.