Jowai, Naiwieng 02: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long hynne ka sngi ha madan Kiang Nangbah Stadium, Dongmihsngi Jowai. Haba phai sha ka jingïakhun kala long kaba itynnad bad ïakhaid bha, na ka liang ka kynhun ïalehkai jong ka Nangbah Iawmusiang kala lah ban pynliem da 1-0 kol ïa ka Evergreen, ïa ka shi kol jong ka Nangbah Iawmusiang la thep da u Leimiki Dkhar haka minit ba 18 jong ka jingialehkai, katba na ka liang ki nongialehkai jong ka Mukhla evergreen ki khlem shym la ïoh ban pynkhi iaka jar kat haduh ba kut ka jingïakhun.
Ka jingïakhun mynta ka sngi kan long hapdeng ka Sohmynting pyrshah ïa ka Luti Tuber haka por 12 baje shiteng sngi.
