Jowai, K’lyngkot 03: Ka lympung ïalehkai phutbol jong ka ‘11th Secondary School Invitation Football Knock-Out Tournament 2024-25’ ba la pynïaid da ka Dorbar shnong Pdengshakap kala long ha kane ka sngi saitjaiñ 4 tarik u Kyllalyngkot 2025.
Haba phai sha ka jingïakhun na ka liang ka kynhun jong ka Azad AFC 2 bad ka Nohron SC kila khur jing jop ha ka jingïalehkai. Kane kala wan hadien baka Azad AFC 2 ka la jop kput ïaka Amlanai 03 da 4-0 kol.
Ïa ki kol jong ka Azad AFC 2 la ïoh ban thep da u Manbhakupar ha ka minit kaba 25, 38 bad 61 katba ïaka shikol pat la ïoh ban thep da u Kitbok Pale haka minit kaba 56.
Haka jingïalehkai kaba ar pat ka Nohron SC kala jop ïa ka West Jaiñtia Police da 3-2, ïa ki kol jong ka Nohron SC la ïoh ban thep da u Mon Buam ha ka minit kaba 16, u Rishot Dkhar haka minit kaba 34 bad ïa ka kol kaba khatduh pat la thep da u Triple Rongi ha ka minit kaba 45. Kat ba ïa ka West Jaiñtia Police pat la ïoh ban thep da u B. Myrthong ha ka minit kaba 54 bad u B. Sayoo haka minit kaba 58.
Yn bteng biang ïaka jingïalehkai haka 8 tarik mynta u bnai ha ka por 12 baje ka Amlanai Young Boys pyrshah ïa ka Young Star SC (Nongtalang) katba ha ka por 2:00 baje nohphai sngi pat ka Khublei Shibun Enterprises pyrshah ïa ka Nangbah Mulang SC.
