Jop biang baroh ki MLA ba rim jong ki 5 tylli ki Constituency hapoh ka West Jaiñtia Hills District

By Mawphor News Desk On Mar 3, 2023

Jowai, Lber 02: Ha ka sien kaba ar hapoh ka West Jaiñtia Hills District ki MLA na ki 5 tylli ki Constituency kila jop biang ïa kane ka Election mynta ka snem 2023, ha kaba ki paidbah jong kitei ki Constituency kila shaniah biang ha ki ban kit ïa kane ka lyngkor sa 5 snem lynter hadien ka jingjop jong ki naduh u snem 2018.
Kine ki 5 ngut ki MLA ba la jop biang ki kynthup ïa u ma Sniawbhalang Dhar (NPP) na ka 1-Nartiang Constituency uba la tam 2123 vote, u ma Wailadmiki Shylla (NPP) na ka 2-Jowai Constituency uba la tam da 2667 votes, u ma Coming-one Ymbon (NPP na ka 3-Raliang Constituency) uba la tam 5337 votes, u ma Nujorki Sungoh (UDP) na ka 4-Mowkaiaw uba la tam 3901 votes bad u ma Lahkmen Rymbui (UDP) na ka 7-Amlarem Constituency ula tam 58 Votes
Haba phai sha ka jingïoh vote jong ki kyrtong na ka 1-Nartiang Constituency; u ma Sniawbhalang Dhar (NPP)-16,969, ma Emlang Laloo (INC)-14,846 votes, ma Generous Pasleiñ (IND)-7404 votes, ma Dawan Lyngdoh (UDP)-893 votes, ma Rimiki Sari (BJP) -282 votes, katba u NOTA ula ioh haduh 433 votes.
Ka jingioh vote jong ki kyrtong na ka 4-Mowkaiaw Constituency ka long kumne; ma Nujorki Sungoh (UDP)-14,508 votes, ma Habahun Dkhar (NPP) – 10,607 votes, ma Nehemaya Tungkan (INC) – 10,290 votes, ma Lasting Suchiang (TMC)- 872 votes, ma Currentis Rabon (BJP) – 110 votes, u NOTA – 360 votes.
Ka jingïoh vote jong ki kyrtong na ka 2-Jowai Constituency ka long; u ma Wailadmiki Shylla (NPP)-14,079 votes, ma Awhai Andrew Shullai (TMC)- 11,412 votes, ma Moonlight Pariat (UDP) – 10,260 votes, ma Allan K. Suchiang (BJP) – 326 votes, ma Daniel Dan (INC) – 216 votes, NOTA – 423 votes.
Ka jingïoh vote jong ki kyrtong na ka 3-Raliang Constituency ka long kumne ma Coming-one Ymbon (NPP) -13,626 votes, ma Lakhon Biam (BJP) – 8289 votes, ma J. Treilang Suchiang (UDP) – 5250 votes, ma Richard S. Lyngdoh (INC) – 4154 votes, ma Shemhok Garod (PDF) – 2513 votes, ma Robinus Syngkon (TMC) – 1269 votes, NOTA – 359 votes.
Ka jingïoh vote jong ki kyrtong na 7-Amlarem ka long kumne ma Lahkmen Rymbui (UDP)-17,803 votes, ma Stephanson Mukhim (NPP) – 17,746 votes, ma Alban K Gashnga (TMC) – 100 votes, ma Arbiangkam Kharsohmat (INC) -138 votes, ma Firstborn Manner (BJP) -108 votes, NOTA-298 votes.
Na ka liang kitei ki 5 ngut ki MLA haba ai jingkren hadien ba kila jop, kila kular ban ai ka jingshakri kaba bha tam ïa ki paidbah ka Constituency ha baroh ki liang bad kila kular ban wanroh ïa ki project ba thymmai bad ban pyndep ïa ki kam pynroi kiba dang sahteng.
Ha kane ka sngi jong ka jingñiew Vote na ka liang ki bor pynïaid elekshon kim ailad satia ïa ki paidbah ban ïatur sha jan ka D.C. Ophis, Jowai khnang ban lait na ki jinghuri hura, ka jinghalla, jingpyrta na ki paidbah bad ka jingñiew vote kala long kaba jai jia.
Ïa ki paidbah nongkyrshan ruh la khang lynti ban rung sha ki bynta ka Iawmusiang naduh lad Wahnangbah, lad SP Police, na lad Pohskur (Mission Compound) bad najan ka ïaw shyiap Jowai hajan JHADC.