Shillong, Ïaiong 10 : Ka Shooting Association of Meghalaya ha ka 08tarik mynta u bnai ka la ïoh ïa ki nongkitkam ba thymmai na ka bynta ka samoi 2023 – 2027 ha kaba ïa ka kam President la bynshet ha u bah John F Kharshiing bad ïa ka kam General Secretary pat la bynshet ha u Bah Neil Sootinck.
Ha kane ka jingjied ïa ki nongkitkam ba thymmai la wan ruh ban sakhi lang da u ISSF Judge ba dei ruh u Returning Officer ba la thung da ka National Rifle Association of India (NRAI), u Bhaba Kalika uba la pynïaid ruh ïa ka jingjied ïa ki nongkitkam ba thymmai.
Nalor u President bad Secretary la jied ruh ïa kiwei ki nongkitkam jong ka SAM hapoh ka jingdonlang u nongpeit pyrman, Bah Finely L Pariat, General Secretary jong ka Meghalaya State Olympic Association (MSOA).
Kane ka long katkum ka kyrwoh ba la phah da u bah Neil Sootinck, General Secretary ka Shooting Association of Meghalaya.
