Nongstoiñ, K’lyngkot 13: U Superintendent of Police West Khasi Hills District, u la pyntip sha ki paidbah baroh ba u Bah Teiborlin Sangriang 26 snem karta u ba dei u Khun jong I Kong Shistita Sangriang na ka Shnong Nongsba, kaba hap hapoh ka West Khasi Hills District, u la jah na la ïing naduh ka 2 tarik Kyllalyngkot 2024.
Katkum ka jingtip kaba la ïoh, la ong ba la ïohi khatduh ïa u ha ka 2 tarik Kyllalyngkot 2024 ha DSW Upper Primary School bad haduh mynta ym pat shym la lapdien ïa u.
U Bah Teiborlin Sangriang, u don ïa ka snieh doh kaba dum, ka dur kaba pyllun, u sniuh u ba iong, ka jingjrong kumba 4 phut 8 inshi. Ha ka por ba u jah na la ïing u phong da ka T shirt kaba lieh bad ka jaket kaba saw, ka patlun jean bad ka slipar kaba don ïa ki strap rong saw khleh rong iong.
U Superintendent of Police West Khasi Hills District, u la pynmih ïa ka jingpyntip na ka bynta ban wad ïa u Bah Teiborlin Sangriang. Lada don kino kino kiba ïohi ne kiba ïoh jingtip shaphang jong u, kin sngewbha ban pyntip sha ki Police Station kiba hajan eh jong ki.
Na ka liang jong U Superintendent of Police West Khasi Hills District, u la dep ruh ban pyntip sha baroh ki Police Station jong ka Meghalaya bad ki Jylla kiba marjan na ka bynta ban wad ïa u bah Teiborlin Sangriang.
