Tura, Jylliew 28 : Ki riew paidbah ki la ïoh ban pyllait ïa kawei ka Kynthei kaba shah rahbor, shah shoh dusmon bad shah teh shah khum ha uwei u riew runar, na kawei ka surok kynjah kaba don ha ka shnong Rangmalgre, East Garo Hills District.
Kane ka jaka ba lap ia kane ka Kynthei ka dei kaba hap hapoh ka Chiading Police Station, kaba ïaid lyngba ka State Highway bad kaba pynïasoh ïa ka Chiading sha Williamnagar bad ter ter sha Nongstoin bad Shillong.
Ki paidbah ki pyntip ba ha ka por 6:30 baje jong ka janmiet sngi Ba-ar, kila ïohsngew ïa ka jinghylla jong kawei ka Kynthei bad mar mar ki la bat ïa kane ka kali kaba ïaid lyngba ka shnong jong ki.
Ki ïathuh ba ha ka jingtalasi ïa ka kali ki la shem ïa kane ka Kynthei hapoh kali, bad ïa ka shyntur bad ryndang jong ka, lah teh da ka cellotape. La shem ruh ba ka durkhmat jong ka, ka la mong ïa kaba la suba jur ba ka la shah shoh ha une u briew.
Une u briew ba niah ïa ka kali, haba tohkit, ula kynnoh ba kane ka Kynthei kala shukor ïa u hadien saw snem ka jingïadei samla bad u. Namar ka jingbitar, ula leh ïa kane ka kam pyntriem bad pynshitom ïa kane ka kynthei. Hynrei, shuwa ba ki paidbah kin kem ïa u, une u briew ula lait phet da ka kali jong u hi.
Ki Pulit ka East Garo Hills ki la pynlong ïa ka jingthwet kaba jur ban lapdien ïa une u briew bad ïa ka kali.
