Shillong, Jylliew 28: Ka Shillong College ka la ïoh ïa ka jingithuh ha ka kyrdan A+ Accreditation da ka National Assessment and Accreditation Council (NAAC).
Ha ka email ba la phah sha ka Principal ka Shillong College, Ka NAAC kala ong “ Ka College jong phi kala kiew ha ka kyrdan A+ Accreditation ha ryngkat bad ka CGPA of 3.33 points naka bynta 5 snem kata naduh ka 24-06-2023”.
Ka jingioh A+ Accreditation naka NAAC kadei hadien ka jingwad bniah lyngba ka Assessment and Accreditation (A&A) ba la leh da ka kolej bad hadien ka jingmynjur da ka Standing Committee ba la thaw daka Executive Committee ban bishar ïa ki kaiphod.
Hadien bala ïoh ka jingithhuh A+ Accreditation daka NAAC, Principal jong ka kolej ks Dr. E Kharkongor ka la pynpaw ka jingkmen bad ka ai khublei ïa ki nonghikai, ki nongtrei jong ka kolej bad ki samla pule halor kane ka jingjop.
Lyngba kane ka jingïoh jingithuh A+ Accreditation na ka NAAC, ka Shillong college ka la ïoh ka kyrdan ba hakhmat eh napdeng ki kolej kiba don ha ka jylla baroh kawei. Kum ban shu kdew ba ka National Assessment and Accreditation Council (NAAC) ka dei ka kynhun kaba peit thuh bad khmih ïa ki shlem pule Higher Education Institutions (HEIs) hapoh ka ri India kaba hap bad kaba ïoh ka jingbei pisa na ka University Grants Commission (UGC).
