Shillong, Jylliew, 28: U Director jong ka tnat Employment & Craftsmen Training, Shillong u la maham ïa baroh ki samla bym pat donkam donjam ha ka jylla ba kim dei ban ngop ha kino kino ki jingtyrwa aikam khlem da pynthikna shwa ïa ka jingtip kaba bniah jong ki nongaikam.
Ka jingpynmih ïa kane ka jingmaham ka long hadien ba la ïoh ujor na ki samla bym pat donkam donkam shaphang ka jyrsieh thok aikam ba la leh ha ka kyrteng jong ka National Career Service (NCS), ha kaba ïa ka e-mail la phah sha ki briew da kaba tyrwa aikam bad kyrpad ïa kiba kwah kam ba kin pdiang ïa ki jingsong ba la thep ïa ka shithi tyrwa kam/shithi rungkam. Nalor kata, la bthah ba kin hap siew T. 1000 hajar na ka bynta ka song ba la lap ba ym shym la thep eiei hapoh.
