Ïoh jingïarap ka longïing pluh ding ha Tynnai thaiñ Mawkyrwat na ka kynhun WhatsApp

0

Mawkyrwat, K’lyngkot 28 : Ka WhatsApp Group, “Ïarap ïa ki – ha ka khyllipmat ba ki donkam eh”, ka la leit sha ka longïing i kong B. Jyrwa bad bah F. Syiemlieh ha ka shnong Tynnai, South West Khasi Hills District kum shibynta ban ai mynsiem bad noh synñiang ïa kane ka longïing kaba la duh noh ïa ka ïing bad baroh ki jingdon jingem namar ki thylliej ding kaba la jia ha ka 18 tarik u Kyllalyngkot, 2025.
Ka kynhun ka pynpaw ka jingsngewnguh ïa U Blei Trai Kynrad U ba la da bad sumar ïa ki mynsiem ba kordor ha kane ka jingjia wat la baroh ki jingdon jingem ki la duh lut khoit.
Haba ai jingkren, u Bah Twol Jyrwa uba dei u Myntri Shnong jong ka Tynnai ula pynpaw ka jingsngewnguh ïa kane ka kynhun ‘WhatsApp’ kaba la kner ki kti jingïarap ïa kane ka longïing kaba la mad ïa kane ka jingeh bad kitbok ïa ka kynhun ba kin nanglah ban ïai shakri ha kine ki kam leh isynei.
Ha kane ka sngi la ïalam ïa kane ka kynhun da u Bah Staising Kharbteng uba long u Nongsaiñdur kane ka kynhun ha ka jingdon ryngkat katto katne ki dkhot ka kynhun na ka thaiñ Mawkyrwat.

Leave A Reply

Your email address will not be published.