Nongstoiñ, Ïaiong, 24: Ha ka miet sngi balang ka 23 tarik ïaiong, ka thylliej ding kaba klang ka la bam duh ïa ka ïing jong kawei ka longkmie kaba la tip kyrteng kum ka Kong Tasiana Kharbani kaba don ha ka shnong Nongdisong West Khasi Hills. Ha katei ka jingjia ka thylliej ding ka la pur sted sha ka sem blang bad sem syiar kiba don hajan, ha kaba ar tylli ki blang ki la ingkhong ryngkat bad khatlai tylli ki syiar.Halor kane ka jingjia, u sordar ryngkat ki riew rangbah ha ka sngi kaba bud ki la leit ban pyntip sha ki pulit ka Nongstoiñ ba kin leh ïa kaba donkam.
