Sngewskhem ki nongkyrshan ka VPP ban ïoh beit ka jingjop ha ka elekshon MP shiteng samoi na Shillong

Shillong, Nailur 19: Ka Voice of the People Party (VPP) ha ka sngi saitjaiñ ka la pynlong ïa ka jingïalang jong ki nongtrei na ki 36 tylli ki constituency hapoh ka Khasi-Jaiñtia hills region hapoh ka ophis jong ka seng ka Nongkrem.
“Ha kane ka jingïalang ki la don ki jingïasyllok kumno ban ïaid shaphrang ïa ki kam ba ïadei bad ka jingïalap ha kane ka elekshon shiteng samoi sha Lok-Sabha,” ong u President ka VPP u Bah Ardent Miller Basaiawmoit.
U Bah Basaiawmoit u la pyntip ruh ba u la ïohpdiang ki jingai jingmut na ki nongkyrshan na ka party na baroh ki 36 tylli ki constituency kiba dei ki nongkyrshan ba ratbah jong ka VPP.
“Ki nongkyrshan jong ka VPP ki la ïoh ki jinghikai kiba biang bad ki jingbatai halor ki nongrim jong ka VPP bad mynta kan long kaba eh bha ba kin kylla ka jingmut jong ki,” u la bynrap.
Katkum ka jingong jong u president u la ong ba ki nongkyrshan jong ka VPP mynta ki la sngewthuh bad ki la don ka jingngeit kaba khlaiñ hapoh ka party.
Na ka liang jong u Bah Basaiawmoit u la bynrap ba kumba ka long mynta na ka bynta ka MP bye-election ki nongkyrshan ka VPP kim da khuslai than eh.
“Ngi la ïohpdiang ki jingai jingmut na ki nongkyrshan ba ki kwah ban pynkhlaiñ ïa ka party na ka bynta ka 2028 Assembly elekshon khnang ba ngin lah ban ïoh ïa ka bor bad synshar ïa ka jylla,” u la ong.
Lah ban ong ba ka VPP kaba la thaw ha ka 19 tarik u Naiwieng, 2021, ha Shillong ka la kiew sted bha ha kaba ka la ïoh ki jingjop jong ki 4 ngut ki MLA.
Lah ban ong ruh ba kane ka bye-election ka la long hadien jong ka jingkhlad noh jong u Dr. Syngkon u MP ha ka 19 tarik u Rynmphang, 2026.