Na ka bynta ka roi ka par bad ki jingdonkam jong ka jylla, shim bynta u Conrad ha ka jingïalang ka Pla Tyngka

Shillong, Nailur 19: U Myntri Rangbah ka jylla Meghalaya, u Conrad K. Sangma u la leit ban ïa shim bynta ha ka jingïalang jong ka myntri pla pisa ki sorkar jylla bad ki secretary ba dei na ka tnad pla pisa ki sorkar jylla.
Kane ka jingïalang kaba la khot da ka myntri pla pisa ka sorkar pdeng Nirmala Sitharaman bad ka phang pdeng jong kane ka jingïalang ka long “Financing India’s Journey towards Viksit Bharat” ïa kane ka jingïalang la pynlong ha Bharat Mandapam, New Delhi.
Ha kane ka jingïalang la ïa kren shaphang ka jingpynshkhem ïa ka pla tyngka ki paidbah, ka lad pynmih pisa thymmai, ka rep ka riang, jingpynkylla ïa ka rukom ai bording, teknoloji bad ka rukom thew ïa ka jingroi lyngba ka GSDP kaba long kaba donkam tam na ka bynta ka ïoh ka kot jong ka jylla Meghalaya.
Lyngba ka Mission 10, ka jylla Meghalaya ka dang pynleit jingmut ha ka ban pynkylla ïa ki phang ba kongsan, lem bad ka jingthmu ban pynmih ïa ki lad, pynskhem ïa ki jingtei, kyrshan ïa ki longïing longsem ban im jakpoh bad kiwei kiwei bad ban tei ïa ka ïoh ka kot kaba lah ban ïai neh.
Katba ka sorkar ka dang treikam ban ïohi jngai na ka bynta ka Meghalaya ha u 2032, ki rynsan kiba kum kine ki pynïoh ïa ka lad ban peit nuksa na kiwei pat ki jylla, ïatreilang bad ki riewtbit bad ban tip kham bniah shaphang ka jingpynroi ïa ka ïoh ka kot.
Ka long ka jingsngewnguh ïa ka Myntri ka mang pisa tyngka jong ka sorkar pdeng, ka Nirmala Sitharaman bad baroh ki nongkren bad ki nongïashim bynta na ka bynta ha kane ka jingïalang.