Ïashimbynta shitrhem ki paitbah ha ka jingai jinghikai ban ïada na ka jinglynshop ka mariang

Mairang, Nailur 17: Na ka bynta ban ai jinghikai ïa ki paitbah kumno ban ïada ha ki por ba wan lynshop ki bor ka mariang kum u jumai, ki erïong erngit, ki jingshlei um, twa khyndew bad kiwei kiwei ki ophisar ka District Disater Management Authority Eastern West Khasi hills ha ka sngi balang ka 16 tarik Nailur ki la pynkut noh ïa katei ka prokram ba kyrpang kaba la sdang naduh ka sngi hat majai ka 15 tarik Nailur.
Ha katei ka prokram ba arsngi ki paitbah na ki shnong bapher bapher hapoh ka district ryngkat ki nongtrei sorkar jong baroh ki tnad trei kam ki la wan ban ïashim bynta shitrhem ha kaba katei ka prokram ka la long kaba jop.
Na ka liang ka tnad ka koit ka khiah kiba la ïashim bynmta ki don ar kynhun kata ka Medicalrespondersbad Hospital Incident Response Team kiba dei ki nongpynkhreh ïa ka Hospital DM plan , first aid fire safety search bad ka Hospital mock drill kaba dei kyrnag tang na ka bynta ki Hospital kiba hap hapoh ka Mawthadraishan Block.
ïa katei ka prokram la pynlong ha ka hall jong u Block Develoment Officer Mawtrahraishan Block ha Nongshilong Eastern West Khasi hills.Ha katei ka sngi la ïadon ryngkat da u Doktor L.Kharkongor Medical & Health Officer Mawthadraishan Block u bah J.Mawthoh District Disater Management Officer Eatern West Khasi hills,ki doktro ki Nurses bad baroh ki nongtrei ka tnad ka koit ka khiah kiba hap ha ka Mawthadraishan Block.
Ha katei ka sngi ki ophisar bad ki doctor kiba la aijngkren ki la pynshai ka Hospital Disasater Mangaement ka kamram bad ka jingkitkhlieh jong kynhun ka Hospital Incident Response Team bad ki lad ki lynti ba ki dei ban leh lada jia ka jingpluh ding bad kumno ban pyndon kam ïa ka fire extinguisher.Nalor kata la ai jinghikai ruh kumno ban wad ïa ki briew kiba jah ha ka por ba wan kynsan ka jinglynshop ki bor ka mariang.
Shuh shuh ka Disaster Management Team ka la pynlong ruh ïa ka Mock drill kaba ïadei bad ka jingpluh ding ha Markasa PHC.Katei ka prokram ka la ai shibun ki jingmyntoi ïa ki nongshong shnong kiba la wan ban sngap bad ïashimbynta ruh ha ka mock drill.