Iatreilang ka IndiGoReach bad ka Grameen Sahara ban pynkup bor ia ki kynthei ha Assam bad Meghalaya.

Shillong, Naiwieng 10 : Ka IndiGoReach ryngkat ka jingïatreilang bad ka Grameen Sahara ki la ïatreilang na ka bynta ban wanrah ïa ki kam ban kyntiew ïa ka ïoh ka kot ka imlang sahlang da kaba ai jingkyrshan ïa kumba 1,670 ngut ki kynthei na ki 24 tylli ki shnongrit kiba don ha jylla Assam bad Meghalaya. Kane ka prokram ka pynkupbor ïa ki nongrep kynthei ba kin nang lah shuh shuh ban kyntiew ïa ki jingthung jong ki ba kynthup ïa ki musli musla, u shynrai, sying, sohmarit, bad sohmynken beb khnang ba ka jingïoh jong ki ha ka shisnem kan kham kiew.
Kine ki nongrep kynthei kidei na ki shnong kiba don ha ki thaiñ khappud ka jylla Assam- Meghalaya ha kamrup bad RiBhoi district. IndiGoReach ka la ïatreilang bad ka Grameen Sahara, namar ba kane ka kynhun ka dei kaba ju trei bha na ka bynta ban kyntiew ïa ka ïoh ka ka kot ha ka thaiñ. Lyngba kane ka jingïatreilang, ki la lah ban sdang ïa ka kam ban ai jingïarap ïa ki kynthei da kaba thaw ïa ka shlem ban ïarap ïa ki nongrep kynthei ban ïalap shaphang ki jingtreikam ba bha jong ki ka ban lah ban kyntiew ïa ka jingpynmih mar jong ki nongrep. Haba kren shaphang kane ka sienjan jong ka CSR program, U Sukhjit Pasricha, Chief Human Resource Officer, IndiGo, u ong, “Ngi ngeit ha ka wan ka jingkylla kaba bha ha ki shnong ki thaw ban wanrah ïa ka jingkiew ha baroh ki liang ha ka imlang sahlang, kaban ïarap ruh ban kyntiew ïa ka ïoh ka kot jong ka ri.”