Shillong, Rymphang 10: U Manbhakupar Iawphniaw u la ïasoh bad ka NEROCA na Rangdajied United FC katba kane ka kynhun na Manipur ka dang pyrshang ban ïakhun ban rung biang sha ka lymoung I-League.
Ka NEROCA haduh mynta ka ladep ban ïalehkai ar tylli ki jingïakhun ha ka I-League 2 kaba dang ïaid shakhmat, da kaba rem shi sien bad jop shi sien. U Manbha u khlem shym la don bynta ha baroh ar tylli ki jingïalehkai.
ïa kane la pynthikna hynnin ka sngi da ka katei ka kynhun ha ka kyrwoh rynsan social media. “A new force up front!” (Ka bor kaba thymmai ha khmat) katkum ka kyrwoh na ka klob. “Pdiang sngewbha ïa u nongïalehkai ba shakhmat u Manbha Iawphniaw sha ka longïing kaba rong soh. To ngin ïa khun na bynta ka burom ryngkatlang!”
Ka NEROCA ka la shah pynhiar kyrdan noh sha ka I-League 2 hadien ba wan sha trai duh jong ka miej ha ka samoi 2023-24 I-Leagu.
