Ïashimbynta ki rangbah, samla bad khynnah ha ka “5K Run for Unity” u DSO ka East Khasi Hills Dist.

Shillong, Risaw 31 : Kum shi bynta ban rakhe ïa ka National Unity Day ha ka 31 tarik Risaw 2022, ka ophis u District Sports Officer, East Khasi Hills District, Shillong ka la pynlong da ka jingpynïakob mareh “5K Run for Unity”. Ha katei ka jingïakop mareh la wan ban ïashim bynta shitrhem da ki rangbah, ki samla bad ki khynnah.
La sdang ïa ka jingmareh na J.N Stadium Main Gate ha ka por 6:30 baje mynstep ha S.R.G.T Main Gate – Golf Club – Lad Shyiap – MPPS – Lad Sanker – Mawroh Junction – F.C.I Junction – F.C.I – MeECL – Shillong Secondary School – C.R.P.F Main Gate – S.R.G.T Main Gate bad pyndep biang ha kajuh ka jakaJ.N Stadium Main Gate, Polo Shillong.
Ha katei ka jingïakob mareh ïa ka kyrdan ba nyngkong ha ka liang ki shynrang la ïoh rah da u Haribhakta Chettri uba la pyndep ha ka por 16:19:79 Sec, u Bibash Gurung ha ka kyrdan ba ar (16:22:87 Sec) bad u Daniel Wahlang ha ka kyrdan ba lai (16:39:84 Sec).
Ha ka liang ki kynthei ïa ka nam ba nyngkong la ïoh rah da ka Lynti Jingkyrmen Thyrniang (21:04:28 Sec), ka Clare Jones Jala ïa ka kyrdan ba ar (21:07:44 Sec0 bad ïa ka kyrdan ba lai la jop da ka Marqueenless Ramsiej (22:25:49 Sec).
Ki nongjop ha ka kyrdan ba nyngkong ki ïoh khur ïa ka song pisa ba mar 2000, ba ar 1500 bad ba lai ki ïoh mar 500 tyngka. La sam ruh da ka consolation, ha ka liang ki shynrang la ïoh da u Ishoor Nepali (17:03:21 Sec), u Emphius Nongrum (17:03:94 Sec),Pratap Thapa (17:04:74 Sec), Welbetstar Ramsiej (17:08:18 Sec) bad u Bijoy Budha Magar (17:08:65 Sec).
Ha ka liang ki kynthei la ïoh da ka Balarisha Thyrniang (23:22:59 Sec), ka Barihun Kharjahrin (25:17:09 Sec), ka Saralin Lyngdoh Nonglait ( 25:27:32 Sec), Balinta Marwein (25:59:50 Sec) bad ka Pynsuklang Marthong (28:17:19 Sec). Baroh ki ïoh ïa ka song pisa ba mar 500 tyngka.
Nalor kitei ki khusnam la sam ruh da ka khusnam sha ki nongïamareh ba rangbah bad ba dang khynnah tam. U Bah Badon Tham (22:04:08 Sec), Pynshngain Dkhar (25:18:05 Sec), Kedrik Kharpor (26:28:40 Sec), Ksanbor Kharmawphlang (27:47:77 Sec),bad u James Tamang (28:10:04 Sec) ha ka liang ki shynrang katba ha ka liang ki kynthei la ïoh da ka Kong Starima Jasain (36:30:52 Sec) bad ka Kong Emily Bareh (40:19:42 Sec). Ha ka kyrdan kiba khynnah tam jong ki shynrang la ïoh da u Riki-O Laloo (36:31:98 Sec) bad ka Lafinia Khongjoh (40:41:30 Sec) ha ka liang ki kynthei. Bad baroh ki ïoh mar 500 tyngka.
Ïa katei ka jingmareh la kaweh ïa ka lama da u Bah O.Mawthoh uba dei u District Sports Officer, East Khasi Hills District ha ka jingïadonlang u Bah Biningstar Lyngkhoi uba dei u Head Coach jong ka Athletics, Khelo India State Centre of Excellence, Directorate of Sports & Youth Affairs bad kiwei kiwei ki ophisar na ka tnad sport. Ki don haduh 200 ngut ki nongïamareh ba la ïashim bynta ha katei ka 5K Run for Unity ha kaba 80 ngut kidei ki kynthei.